مەكتەپ ھەققىدە
دىئاسپورادىكى ئۇيغۇر بالىلىرىغا ئانا تىل، ئەخلاق ۋە مەدەنىيەت مىراسىنى يەتكۈزۈش مۇساپىمىز.
مەكتىپىمىزنىڭ مەقسىتى ۋە غايىسى
كونيا خەلقئارا ئۇيغۇر مەكتىپى — دىئاسپورادىكى جەمئىيىتىمىزنىڭ بالىلىرىغا ئانا تىل، مەدەنىيەت ۋە ئەخلاقىي قىممەت قاراشلارنى سىستېمىلىق يەتكۈزۈپ، كەلگۈسى ئەۋلادلارنى يېتىشتۈرۈشنى مەقسەت قىلغان پۈتۈنلەي ئاممىۋى مائارىپ تەشەببۇسىدۇر.
بىز چەتئەلدە چوڭ بولۇۋاتقان پەرزەنتلىرىمىزنىڭ ئۆز كىملىكىدىن شەرەپ ھېس قىلىدىغان، ئانا تىلىدا ئەركىن مۇلاھىزە يۈرگۈزەلەيدىغان، شۇنىڭ بىلەن بىر ۋاقىتتا ياشاۋاتقان دۆلەتنىڭ مەدەنىيىتى ۋە ئىلىم-پېنىگە تۆھپە قوشىدىغان ئىقتىدارلىق شەخسلەر بولۇپ يېتىلىشىنى كۆزلەيمىز.
ئانا تىلنى چوڭقۇر ئىگىلەش
ئوقۇش، يېزىش، سۆزلەش ۋە چۈشىنىش قابىلىيىتىنى زامانىۋى پىداگوگىكا پىرىنسىپلىرى بويىچە يېتىلدۈرۈش.
مەدەنىيەت ۋە كىملىك مىراسى
تارىخ، خەلق ئەدەبىياتى، چالغۇ، تائام ۋە ئەنئەنىۋى ئادەتلەر ئارقىلىق مىللىي ئاڭنى سىڭدۈرۈش.
ئەخلاق ۋە كوللېكتىپ روھى
ئۆز-ئارا ھۆرمەت، دوستلۇق ۋە ئىجتىمائىي مەسئۇلىيەت قارىشىنى پائالىيەتلەر ئارقىلىق چېنىقتۇرۇش.
تەلىم-تەربىيە قارىشىمىز
كۆپ سورىلىدىغان سوئاللار (FAQs)
مەكتەپكە كىرىش يېشى قانچە؟
5 ياشتىن 16 ياشقىچە بولغان بارلىق ئۇيغۇر بالىلىرى سەۋىيە تەكشۈرۈش ئارقىلىق ماس سىنىپلارغا ئورۇنلاشتۇرۇلىدۇ.
دەرسلەر قايسى كۈنلىرى بولىدۇ؟
دەرسلەر ھەر شەنبە كۈنى ئەتىگەن 09:30 دىن چۈشتىن كېيىن 15:30 غىچە سىستېمىلىق ئېلىپ بېرىلىدۇ.
مەخپىيەتلىك ۋە مەكتەپ شەرتنامىسى
كونيا خەلقئارا ئۇيغۇر مەكتىپى ئوقۇغۇچىلار ۋە ئاتا-ئانىلارنىڭ شەخسىي مەخپىيەتلىكىنى ئەڭ يۇقىرى دەرىجىدە قوغدايدۇ. تەپسىلىي كېلىشىملەر ئۈچۈن مەخسۇس ھۆججەتلىرىمىزنى كۆرۈڭ: